ഗലഗണനാഥ ക്ഷേത്രസമുച്ചയത്തില്പ്പെടുന്ന ഒരു ക്ഷേത്രമാണ് ജെയിന് മെഗുടി ക്ഷേത്രം. ഐഹോളെയിലെ ഒരു കുന്നിന്പുറത്ത് ഉയര്ന്ന പ്ലാറ്റ്ഫോമിലാണ് ഈ ക്ഷേത്രം സ്ഥിതിചെയ്യുന്നത്. ക്ഷേത്രത്തിലെ ലിഖിതങ്ങള് പ്രകാരം എഡി 634ല് രാജാവായ പുലകേശി രണ്ടാമന്റെ സൈന്യാധിപനും മന്ത്രിയുമായിരുന്ന രവികീര്ത്തിയാണ് ഈ ക്ഷേത്രം പണിതത്. ക്ഷേത്രത്തിന്റെ പണി പൂര്ത്തിയാകാത്ത നിലയിലാണ്.
അക്കാലത്ത് പണിത മറ്റേത് ക്ഷേത്രത്തിലേക്കാളും മനോഹരമാണ് ഈ ക്ഷേത്രത്തിന്റെ നിര്മ്മാണവും കൊത്തുപണികളും. ക്ഷേത്രത്തില് ജൈന തീര്ത്ഥങ്കരനായ മഹാവീരന്റെ വലിയൊരു പ്രതിമയുണ്ട്. കൂടാതെ അംബികാ ദേവിയുടെ രൂപവും ഇതിനകത്തുണ്ട്.ദ്രാവിഡ ശൈലിയില് നിര്മ്മിച്ച ഈ ക്ഷേത്രം ചുണ്ണാമ്പ് ചേര്ക്കാതെയാണ് പണിതിരിക്കുന്നത്. ഈ ക്ഷേത്രത്തിലെത്തിയാല് മലമുകളില് നിന്നും താഴെ പരന്നുകിടക്കുന്ന പലക്ഷേത്രങ്ങളുടെയും മനോഹരമയ ദൃശ്യം ആസ്വദിക്കാന് കഴിയും.