Click it and Unblock the Notifications
പത്തൊമ്പതാം നൂറ്റാണ്ടില്‍ ബ്രിട്ടീഷുകാര്‍ ഗോതിക്‌ ശൈലിയില്‍ പണികഴിപ്പിച്ച പള്ളിയാണ്‌ ഓള്‍സെയിന്റ്‌സ്‌ കത്തീഡ്രല്‍. കൊല്‍ക്കത്തിയിലെ വിക്‌ടോറിയ മെമ്മോറിയല്‍ രൂപകല്‍പന ചെയ്‌ത വില്യം എമേഴ്‌സണ്‍ എന്ന ബ്രിട്ടീഷ്‌ ആര്‍കിടെക്‌ട്‌ നിര്‍മ്മിച്ചതാണ്‌ ഈ പള്ളി. ഒരേസമയം 400 പേരെ ഉള്‍ക്കൊള്ളാന്‍ പള്ളിക്കു കഴിയും. വിശാലമായ പടികളും ഗോതിക്‌ ശൈലിയിലുള്ള വിക്‌ടോറിയന്‍ കമാനങ്ങളും മധ്യകാലഘട്ടത്തിലെ വാസ്‌തുവിദ്യയുടെ ഉത്തമോദാഹരങ്ങളാണ്‌. എല്ലാ വര്‍ഷവും നവംബര്‍ ഒന്നാം തീയതി പള്ളിയുടെ വാര്‍ഷികമായി ഓള്‍ സെയിന്റ്‌സ്‌ ദിനം ആഘോഷിക്കാറുണ്ട്‌. പ്രത്യേക പ്രാര്‍ത്ഥനകളും ആഘോഷങ്ങളും ഈ ദിവസം നടത്താറുണ്ട്‌. പത്തര്‍ ഗിര്‍ജ അഥവ കല്ല്‌ പള്ളി എന്നും ഈ പള്ളി അറിയപ്പെടുന്നുണ്ട്‌.
