അമരാവതി സ്തൂപം അല്ലെങ്കില് മഹാ ചൈത്യം അമരാവതിയുടെ മുഖ്യ ആകര്ഷണ കേന്ദ്രങ്ങളില് ഒന്നാണ്. ബുദ്ധമതാനുയായിയായ അശോക ചക്രവര്ത്തിയുടെ കാലത്താണ് ഇതിന്റെ ആദ്യഘട്ടം നിര്മ്മിക്കപ്പെട്ടത് . അദ്ദേഹം പിന്നീട് ബുദ്ധമതം സ്വീകരിക്കുകയും ചെയ്തു. എ ഡി 200-ല് ആണ് സ്തൂപത്തി ന്റെ നിര്മ്മാണം പൂര്ത്തിയാകുന്നത്. സ്തൂപത്തിലെ കൊത്തുപണി കളില് ബുദ്ധന്റെ ജീവിത കഥയും ബുദ്ധ മതത്തിലെ ശാസനങ്ങളും കൊത്തി വച്ചിരിക്കുന്നു .
അമരാവതി ശാതവാഹന രാജാക്കന്മാരുടെ തലസ്ഥാനം ആയപ്പോള് ഈ സ്തൂപം ചുണ്ണാമ്പു കല്ലുകള് കൊണ്ടുള്ള റിലീഫുകള് കൊണ്ട് അലങ്കരിക്കുകയും താങ്ങുകള് ഇല്ലാത്ത ബുദ്ധ പ്രതിമകള് സ്ഥാപിക്കുകയും ചെയ്തു . ബുദ്ധ മതത്തിന്റെ അപചയ കാലത്ത് അമരാവതി സ്തൂപം അവഗണിക്കപ്പെടുകയും തകര്ന്നു നിലം പൊത്തുകയും ചെയ്തു. 1796-ല് അമരാവതി സന്ദര്ശിച്ച കേണല് കോളിന് മക്കന്സീ ഇങ്ങനെ മണ്ണടിഞ്ഞ സ്തൂപാവശിഷ്ടങ്ങള് ആണ് കണ്ടത്.പിന്നീട് ഖനനം ചെയ്തപ്പോള് ഒരിക്കല് സ്തൂപത്തിന്റെ ഭാഗമായിരുന്ന പല ശില്പ്പങ്ങളും കണ്ടെടുക്കപ്പെട്ടു . ഇപ്പോള് അശോക സംഭത്തിന്റെ ഒരേ ഒരു അവശേഷിക്കുന്ന മാതൃക അമരാവതിയില് മാത്രമാണ് ഉള്ളത്.