അമരാവതി നഗരത്തിന്റെ ഹൃദയഭാഗത്തായി ഗാന്ധി സ്ക്വയറിനടുത്താണ് ഈ പുരാതന ക്ഷേത്രം സ്ഥിതിചെയ്യുന്നത്. അംബദേവിയാണ് ക്ഷേത്രത്തിലെ പ്രതിഷ്ഠ. ഭീഷ്മക രാജാവിന്റെ മകളായ രുഗ്മിണിയെ ഭഗവാന് ശ്രീകൃഷ്ണന് കടത്തിക്കൊണ്ടുപോയത് ഈ ക്ഷേത്രത്തില് വച്ചാണെന്നാണ് വിശ്വസിക്കപ്പെടുന്നത്. ശിശുപാലനുമായി രുഗ്മിണിയുടെ വിവാഹം നടക്കേണ്ടതിന്റെ തലേന്നാളായിരുന്നു കൃഷ്ണന് രുഗ്മിണിയെ അപഹരിച്ചത്.സംസ്ഥാനത്തിന്റെ നാനാഭാഗത്തുനിന്നും ഇവിടെ ജനങ്ങള് എത്താറുണ്ട്. നവരാത്രി, ദസറ ആഘോഷക്കാലത്ത് വന് തിരക്കാണ് ക്ഷേത്രത്തില് അനുഭവപ്പെടാറുള്ളത്. ഈ സമയങ്ങളിലെല്ലാം ക്ഷേത്രപരിസരത്ത് വന് മേളകളും നടക്കാറുണ്ട്.