നഗരത്തിന്റെ വടക്കുപടിഞ്ഞാറേഭാഗത്തായിട്ടാണ് ഈ വലിയ റിസര്വോയര് സ്ഥിതിചെയ്യുന്നത്. 1894ലാണ് ഇത് നിര്മ്മിച്ചത്. നഗരത്തിലെ കുടിവെള്ള വിതരണം കാര്യക്ഷമമാക്കുകയെന്ന ഉദ്ദേശത്തോടെയായിരുന്നു ഇതിന്റെ നിര്മ്മാണം. 73.84 സ്ക്വയര് കിലോമീറ്ററാണ് ഇതിന്റെ വിസ്തൃതി. അര്ക്കാവതി നദിയില് ബണ്ട് കെട്ടിയാണ് ഈ റിസര്വോയര് നിര്മ്മിച്ചത്. നീര്ക്കിളികളുടെ നല്ലൊരു ആവാസ സ്ഥലംകൂടിയാണിത്. ഇതിനടുത്തായിട്ടാണ് അക്വേറിയം, ഹോട്ടികള്ച്ചറല് റിസര്ച്ച് ഇന്സ്റ്റിറ്റിയൂട്ട്, ഇന്തോ ഡാനിഷ് പൗള്ട്രി ഫാംസ് എന്നിവ പ്രവര്ത്തിക്കുന്നത്.