വിജയനഗര സാമ്രാജ്യത്തിലെ നരസിംഹരായന്റെ കാലത്ത് പണിയിക്കപ്പെട്ട ജലസംഭരണിയാണിത്. വിഷ്ണുസമുദ്രമെന്ന പേരിലാണ് ഈ കൂറ്റന് സംഭരണി അറിയപ്പെടുന്നത്. ഇക്കാലമായിരുന്നു ബേലൂരിന്റെ സുവര്ണകാലമെന്നാണ് പറയപ്പെടുന്നത്. വിശുദ്ധമായി കരുതപ്പെടുന്ന ഈ ടാങ്കിലെ വെള്ളം പലകാര്യങ്ങള്ക്കും ഉപയോഗിക്കുന്നുണ്ട്. കൃഷ്ണദേവരായരുടെ കാലത്ത് ഉത്പ്പട്ടനഹള്ളിയിലെ ബാസപ്പനായക്കാണ് കുളത്തിന് പടവുകളും മറ്റും പണികഴിപ്പിച്ചത്. ദൈനംദിന പൂജകള്ക്കായി ആളുകള് വെള്ളമെടുക്കുന്നതിനായി കുളത്തിലിറങ്ങാന് ഈ പടവുകള് ഉപയോഗിച്ചുവരുന്നു.