ഭുവനേശ്വറിന്റെ അഭിമാനമായി നിലകൊള്ളുന്ന പത്താം നൂറ്റാണ്ടിലെ ക്ഷേത്രമാണ് മുക്തേശ്വര് ക്ഷേത്രം. നഗരത്തിലെ പ്രധാന നാഴികല്ലാണ് ഈ ക്ഷേത്രം. നിരവധി കാരണങ്ങളാല് ക്ഷേത്രം പ്രശസ്തമാണ്. അതിമനോഹര ശില്പങ്ങളും നിര്മാണ ശൈലിയിലെ വൈദഗ്ധ്യവും മുക്തേശ്വര ക്ഷേത്രത്തിന്റെ പ്രശസ്തിയ്ക്ക് ഒരു കാരണമാണ്. സ്വാതന്ത്ര്യത്തിന്റെ ദേവന് എന്നാണ് മുക്തേശ്വര എന്ന വാക്കിന്റെ അര്ത്ഥം.
പ്രശസ്തമായ ഈ ശിവ ക്ഷേത്രത്തില് എല്ലാ വര്ഷവും മൂന്ന് ദിവസം നീണ്ട് നില്ക്കുന്ന നൃത്തോത്സവും നടക്കാറുണ്ട്. സംസ്ഥാനത്തെ വിനോദ സഞ്ചാരം പ്രോത്സാഹിപ്പിക്കാനായി വിനോദ സഞ്ചാര വകുപ്പാണ് ഈ നൃത്തോത്സവം സംഘടിപ്പിക്കുന്നത്. ഒഡീഷയുടെ പരമ്പരാഗത നൃത്ത രൂപമായ ഒഡീസ്സി നൃത്തം ഈ പരിപാടിയുടെ മുഖ്യആകര്ഷണമാണ്. തീര്ത്ഥാടകര്ക്കും വിനോദ സഞ്ചാരികള്ക്കും ഒരുപോലെ പ്രിയപ്പെട്ട ക്ഷേത്രമാണിത്.