Click it and Unblock the Notifications
ബിലാസ്പൂരിലെ രത്തന്‍പുരില്‍ നിന്നും 10 കിലോമീറ്റര്‍ അകലെയുള്ള മനോഹരമായ ഡാമും റിസര്‍വ്വോയറും ചേര്‍ന്ന പ്രദേശമാണ് ഖുട്ടാഘട്ട്.ബിലാസ്പൂര്‍- -അംബികാപൂര്‍ ദേശീയപാതയിലായതിനാല്‍ സഞ്ചാരികള്‍ക്ക് വളരെ പെട്ടെന്ന് എത്തിപ്പെടാന്‍ കഴിയുന്ന പ്രദേശം കൂടിയാണിത്.കാടും മലകളും നിറഞ്ഞ ഈ പ്രദേശത്തിന്‍റെ വശ്യസൌന്ദര്യം പറഞ്ഞറിയിക്കാന്‍ കഴിയാത്തതാണ്.
ഇവിടെ ഡാമിനടുത്ത് ജലസേചനവകുപ്പിന്‍റെ ഉടമസ്ഥതയിലുള്ള റെസ്റ്റ് ഹൌസില്‍ സഞ്ചാരികള്‍ക്ക് താമസിക്കാനുള്ല സൌകര്യമുണ്ട്. റെസ്റ്റ് ഹൌസിലിരുന്നുള്ള റിസര്‍വ്വോയറിലെ നില നിറത്തിലുള്ള വെള്ളത്തിന്‍റെ കാഴ്ച്ച കണ്ണുകള്‍ക്ക് ഉത്സവം തന്നെയാണ്.
ഈ റിസര്‍വ്വോയര്‍ നേരത്തേ ഒരു തടാകമായിരുന്നു.1926 ല്‍ ബിലാസ്പൂരിന് 55 കിലോമീറ്റര്‍ അകലെ ബ്രിട്ടീഷുകാരാണ് ഇത് നിര്‍മ്മിച്ചത്.പിന്നീട് ജലസേചനാവശ്യത്തിനായി ഖാറൂണ്‍ നദിയില്‍ ഡാം കെട്ടുകയായിരുന്നു. ഡാമിന്‍റെ ഭംഗി ആസ്വദിക്കാന്‍ പ്രദേശവാസികള്‍ തന്നെ നിരവധി എത്താറുണ്ട്.റായ്പൂര്‍ വിമാനത്താവളം ഈ ഡാമിന് തൊട്ടടുത്താണ്.അതേസമയം ബാലാസ്പൂര്‍ റെയില്‍വേ സ്റ്റേഷനാണ് ഇതിനടുത്തുള്ള റെയില്‍വേസ്റ്റേഷന്‍.
