ചിദംബരം നഗരത്തില്‍ നിന്നും 25 കിലോമീറ്റര്‍ അകലെ അചലാപുരത്താണ് ഈ ക്ഷേത്രം സ്ഥിതിചെയ്യുന്നത്. ഇവിടെയും പ്രധാന ദേവന്‍ ശിവന്‍ തന്നെയാണ്. നാഗത്താല്‍ ചുറ്റപ്പെട്ട നിലയിലുള്ളതാണ് ഇവിടുത്തെ ശിവലിംഗത്തിന്റെ രൂപം. ബിംബത്തെ ചുറ്റിയിരിക്കുന്ന സര്‍പ്പത്തെ പണിതിരിക്കുന്നത് സ്വര്‍ണത്തിലാണ്. ശിവലോകത്യാഗേശ്വര്‍ എന്ന പേരിലാണ് ഈ ക്ഷേത്രത്തില്‍ ശിവനെ ആരാധിച്ചുപോരുന്നത്.

ശിവനൊപ്പം പാര്‍വ്വതിയുടെ പ്രതിഷ്ഠയുമുണ്ട് ക്ഷേത്രത്തില്‍. തിരുവെണ്ണീറ്റ്രുമയ് അമ്മൈ എന്നാണ് പാര്‍വ്വതിയെ ഇവിടെ വിളിയ്ക്കുന്നത്. തമിഴ് ക്ഷേത്ര വാസ്തുവിദ്യയുടെ സുവര്‍ണകാലത്തെ കുറിയ്ക്കുന്നതാണ് ഈ ക്ഷേത്രത്തിന്റെ നിര്‍മ്മാണശൈലി.