ചമ്പ പ്രദേശത്തെ പഴയ കാല ക്ഷേത്രങ്ങളില് പ്രധാനിയാണ് പത്താം നുറ്റാണ്ടില് നിര്മ്മിതമായ ലക്ഷ്മി നാരായണ് ക്ഷേത്രം. എ ഡി 920 നും 940 നുമിടയില് ഇവിടം ഭരിച്ചിരുന്ന സാഹില് വെര്മന് രാജാവാണ് ഈ ക്ഷേത്രം പണി കഴിപ്പിച്ചത്.
ശിഖര വാസ്തു വിദ്യാ മാതൃകയില് നിര്മ്മിതമായ ക്ഷേത്രമാണിത്. സ്ഥിതിയുടെ ദേവനായ വിഷ്ണുവിന്റെയും സംഹാര മൂര്ത്തിയായ ശിവന്റെയും 6 പ്രധാന പ്രതിഷ്ടകളാണ് ഇവിടെ കാണാന് സാധിക്കുക.
പ്രധാന പ്രതിഷ്ഠയായ വിഷ്ണുവിന്റെ വിഗ്രഹം നേര്മ്മയാര്ന്ന മാര്ബിള് കല്ലുകളില് കൊത്തിയെടുത്തിരിക്കുന്നു. അതിനാല് തന്നെ അവ കൂടുതല് തിളക്കമാര്ന്നതാണ്. ഗൌരി ശങ്കര്,രാധ കൃഷ്ണ തുടങ്ങിയ മറ്റു പ്രതിഷ്ഠകള് വേറെയുമുണ്ട് ഈ ക്ഷേത്രത്തില്.