വൈസ്രോയ് ചര്‍ച്ച് എന്നുകൂടി അറിയപ്പെടുന്ന ഈ പള്ളി ഇന്ത്യയിലെ തന്നെ ഏറ്റവും മനോഹരമായ ക്രിസ്ത്യന്‍ പള്ളികളില്‍ ഒന്നാണ്. പാര്‍ലമെന്റ് ഹൗസിന്റെയും രാഷ്ട്രപതി ഭവന്റെയും കിഴക്കുഭാഗത്തായിട്ടാണ് ഇത് സ്ഥിതിചെയ്യുന്നത്. 1927-1935 കാലത്ത് ഹെന്റി മെഡ്ഡ് ആണ് ഈ പള്ളി പണികഴിപ്പിച്ചത്, മനോഹരമായ കൊളോണിയല്‍ ശൈലിയിലാണ് ഇത് പണിതിരിക്കുന്നത്. വടക്കേഇന്ത്യയിലെ ദില്ലി രൂപതയ്ക്ക് കീഴിലുള്ള ക്രൈസ്തവദേവാലയങ്ങളുടെ ആസ്ഥാനംകൂടിയാണ് ഈ പള്ളി.

മുകളില്‍ മെഴുകുതിരികള്‍ കത്തിച്ചുവച്ച ഒരു ജന്മദിനകേക്കിന്റെ ആകൃതിയിലാണ് പള്ളിപണിതിരിക്കുന്നത്. വേനല്‍ക്കാലത്തുകൂടി പള്ളിയ്ക്കുള്ളളില്‍ ശീതളിമ നിലനില്‍ക്കുന്നത് ഈ പ്ര്‌ത്യേക രൂപംകൊണ്ടാണെന്ന് പറയുന്നു. റവ. ടിആര്‍ ഡിക്‌സണ്‍ ഇന്ത്യാ സന്ദര്‍ശനത്തിന് നിയോഗിക്കപ്പെട്ടതോടെയാണ് ഈ പള്ളി പണിതത്. പള്ളിയ്ക്ക് സമീപത്തായി മനോഹരമായ ഒരു പൂന്തോട്ടവുമുണ്ട്. ആര്‍ക്കും ഇവിടെ കയറിച്ചെല്ലാവുന്നതാണ്.