ചരിത്രത്തില് താല്പര്യമുള്ളവര് കണ്ടിരിക്കേണ്ട സ്ഥലമാണ് മഞ്ജുഷ മ്യൂസിയം. ധര്മ്മസ്ഥലയുടെ ചരിത്രത്തിന്റെ ഏതാണ്ടൊരു രൂപം ഇവിടെനിന്നും ലഭിയ്ക്കും. മഞ്ജുനാഥ ക്ഷേത്രത്തിന്റെ തെക്കുഭാഗത്തായിട്ടാണ് മ്യൂസിയം സ്ഥിതിചെയ്യുന്നത്. ശ്രീ വീരേന്ദ്ര ഹെഗ്ഡെയാണ് ഈ മ്യൂസിയത്തിന്റെ ഉടമസ്ഥന്.പഴയകാലത്തെ ലിഖിതങ്ങളും വാളുകള്, പഴയ ലോഹ ഉപകരണങ്ങള്, പഴയകാലത്ത് ഉപയോഗിച്ചിരുന്ന കാമറകള്, ആഭരണങ്ങള് തുടങ്ങി പലതരം വസ്തുക്കളും ഇവിടെ സൂക്ഷിച്ചിട്ടുണ്ട്.
മഞ്ജുനാഥക്ഷേത്രത്തെക്കുറിച്ച് പ്രതിപാദിയ്ക്കുന്ന വളരെ പഴക്കമുള്ള ഒരു ഗ്രന്ഥവും ഈ മ്യൂസയിയത്തില് സൂക്ഷിച്ചിട്ടുണ്ട്. മ്യൂസിയത്തിന് പുറത്തായി ക്ഷേത്ര രഥങ്ങളും മറ്റും സൂക്ഷിച്ചിട്ടുണ്ട്. കര്ണാടകത്തിലെ പലഭാഗങ്ങളില് നിന്നുള്ള ക്ഷേത്രങ്ങളില് നിന്നും കൊണ്ടുവന്നവയാണ് ഈ രഥങ്ങള്.മൗര്യകാലഘട്ടത്തില് ഉപയോഗിച്ചിരുന്ന കളിമണ് നാണയങ്ങള്, 300 വര്ഷം പഴക്കമുള്ള വീണ തുടങ്ങിയവയും ഇവിടെ സൂക്ഷിച്ചിട്ടുണ്ട്. കാലത്ത് 10മണിമുതല് ഉച്ചയ്ക്ക് 1മണിവരെയും വൈകീട്ട് 4.30 മുതല് 9 മണിവരെയുമാണ് മ്യൂസിയത്തിന്റെ പ്രവര്ത്തനസമയം.