Click it and Unblock the Notifications
ഒഡീഷയുടെ തലസ്ഥാനമായ ഭുവനേശ്വറില്‍ നിന്നും 99 കിലോമീറ്റര്‍ അകലെയാണ് ധേന്‍കനല്‍ എന്ന പ്രകൃതിരമണീയമായ ഗ്രാമം. ധേന്‍കനലിനെ മറ്റിടങ്ങിളില്‍ നിന്നും വത്യസ്തമാക്കുന്നത് മനംമയക്കുന്ന പ്രകൃതി സൌന്ദര്യം തന്നെ.വിവിധതരത്തിലുള്ള സസ്യ-ജന്തുജാലങ്ങളും നിറഞ്ഞ ഈ വശ്യഗ്രാമത്തിന് സൌന്ദര്യം കൂട്ടാന്‍ കുന്നുകളും മലനിരകളും പുഴകളും എല്ലാമുണ്ട്.
പ്രകൃതിയേക്കാള്‍ മികച്ച മറ്റൊരു ശില്പിയില്ലെന്ന് ധേന്‍കനല്‍ കാണുന്നവര്‍ ഉറപ്പിച്ചുപറയും. പച്ചതിങ്ങിയ മരങ്ങളും കടുവയും ആനയും അടക്കമുള്ള വന്യമൃഗങ്ങളും നിറഞ്ഞതാണ് ഇവിടത്തെ കാട്. അതേസമയം, ധേന്‍കനല്‍ നിവാസികളുടെ കരവിരുതുകളും ഈ നാടിന്‍റെ പ്രകൃതിരമണീയത വര്‍ധിപ്പിക്കുന്നു.
വിനോദസഞ്ചാരകേന്ദ്രങ്ങള്‍
വിശ്വാസങ്ങളിലും പാരമ്പര്യങ്ങളിലും അടിയുറച്ചു വിശ്വസിക്കുന്ന ആചാരങ്ങള്‍ കൃത്യമായി അനുഷ്ഠിക്കുന്ന ജനതയാണ് ധേന്‍കനലിലേത്.അതുകൊണ്ട് തന്നെ നിരവധി ആരാധനാലയങ്ങള്‍ ധേന്‍കനലിലുണ്ട്. സുന്ദരമായ ഹിന്ദു ആരാധനാലയങ്ങള്‍ ധേന്‍കനലിന്‍റെ സമ്പത്താണ്. പതിനെട്ടാം നൂറ്റാണ്ടില്‍ പണികഴിപ്പിച്ച ബലഭദ്രക്ഷേത്രം ഇതിനൊരുദാഹരണമാണ്.
ധേന്‍കനലിലെ മറ്റൊരു പ്രസിദ്ധമായ ഹിന്ദു ആരാധനാലയമാണ് ശംഭുഗോപാല്‍ ക്ഷേത്രം. അതേപോലെ ശ്രീരാമനെ ആരാധിക്കുന്ന രഘുനാഥ ക്ഷേത്രം,കുനജകണ്ഠ കൃഷ്ണ ക്ഷേത്രം തുടങ്ങി പുണ്യ പുരാതന ക്ഷേത്രങ്ങള്‍ പെരുമ കൊണ്ടും സൌന്ദര്യം കൊണ്ടും സഞ്ചാരികളെ ആകര്‍ഷിക്കുന്നു. ശിവ ഭഗവാന്‍റെ വാസസ്ഥലമെന്ന് വിശ്വസിക്കുന്ന കപിലാഷ് ആണ് ധേന്‍കനലിലെ മറ്റൊരു പ്രധാന ആകര്‍ഷണ കേന്ദ്രം.മഹിമ ധര്‍മ്മ മതവിഭാഗത്തിന്‍റെ പ്രധാന ആരാധനകേന്ദ്രമായ ജോരന്ത, വിവിധ ഹിന്ദുദേവാലയങ്ങളുള്ള ക്വാലോ തുടങ്ങിയവയാണ് ധേന്‍കനലിലെ മറ്റ് കാഴ്ച്ചകള്‍.
ശ്രീരാമക്ഷേത്രം സ്ഥിതി ചെയ്യുന്ന സപ്തസാജ്യ എന്ന നയനസുന്ദരമായ പ്രദേശം ധേന്‍കനലില്‍ നിന്നും കുറച്ചകലെയാണ്. സിദ്ധേശ്വരനെ ആരാധിക്കുന്ന ലടഗടയാണ് ധേന്‍കനലിലെ മറ്റൊരു കേന്ദ്രം. ഇതുകൂടാതെ ഭഗവാന്‍ വിഷ്ണു നാഗ രാജാവായ അനന്തനു മുകളില്‍ ശയിക്കുന്ന സാരംഗയും ധന്‍ദധര്‍ എന്ന സുന്ദരഭൂമിയും യാത്രികരെ ആകര്‍ഷിക്കാന്‍ ധേന്‍കനലിലുണ്ട്.
