മധുരയിലെ രാജ്ഞിയായിരുന്ന റാണി മങ്കമ്മയാണ് ആഞ്ജനേയനെ കുടിയിരുത്തി ഈ കോവില് പണിതത്. മൂന്ന് നൂറ്റാണ്ടോളം പഴക്കമുണ്ടിതിന്. നിലക്കോട്ട താലൂക്കിലെ ആനപ്പട്ടിയിലാണ് ഇതിന്റെ സ്ഥാനം. വൈഗനദിക്ക് കുറുകെ ബ്രിട്ടീഷ് ഭരണകാലത്ത് നിര്മ്മിച്ച പേരനായ് പാലത്തിന് സമീപമാണ് ഈ ക്ഷേത്രം. മഴക്കാലത്ത് പുഴയില് വെള്ളം പൊങ്ങുമ്പോള് ആഞ്ജനേയപ്രതിമ പകുതിയോളം വെള്ളത്തില് മുങ്ങാറുണ്ട്.