1623ല്‍ മഹാറാവല്‍ പുഞ്ജ്രാജ് പണികഴിപ്പിച്ചതാണ് ഈ ക്ഷേത്രം. രാധികാജി, ഗോവര്‍ദ്ധന്‍ നാഥ്ജി എന്നിവരുടെ പ്രതിമകളാണ് ഈ ക്ഷേത്രത്തിലെ പ്രധാന ആകര്‍ഷണം. ഏറെ ചെറുക്ഷേത്രങ്ങളുള്‍പ്പെട്ടൊരു സമുച്ചയമാണിത്. മൊത്തം ക്ഷേത്രങ്ങളില്‍ 16 എണ്ണം പടിഞ്ഞാറിന് അഭിമുഖമായിട്ടും 16 എണ്ണം കിഴക്കിനഭിമുഖമായിട്ടും ബാക്കി നാലെണ്ണം വടക്കിനഭിമുഖമായിട്ടുമാണ് പണിതിരിക്കുന്നത്. ഈ ക്ഷേത്രങ്ങളില്‍ ബന്‍കെ ബിഹാരിജി, ശ്രീരാമചന്ദ്രന്‍ എന്നിവരുടെ പ്രതിഷ്ഠയുള്ളവയുമുണ്ട്.