Click it and Unblock the Notifications
ചരിത്രമേറെയുള്ള ക്ഷേത്രങ്ങളിലൊന്നാണ്‌ കസ്‌തൂരി അരങ്കനാഥാര്‍ ക്ഷേത്രം. ഈറോഡിലെ ഏറ്റവും മികച്ചതും പരിപാവനവുമായ ക്ഷേത്രങ്ങളിലൊന്നായിട്ടാണ്‌ ഈ ക്ഷേത്രത്തെ കണക്കാക്കുന്നത്‌. നിരവധി പ്രത്യേകതകള്‍ ഉള്ള ക്ഷേത്രമാണിത്‌. കസ്‌തൂരിയാണ്‌ ഇവിടുത്തെ പ്രധാന ആരാധനാ മൂര്‍ത്തി. മറ്റ്‌ രങ്കനാഥ പെരുമാള്‍ ക്ഷേത്രങ്ങളില്‍ നിന്നും വ്യത്യസ്‌തമാണ്‌ ഈ പ്രതിഷ്‌ഠ. നിരവധി കഥകള്‍ ഈ ക്ഷേത്രവുമായി ബന്ധപ്പെട്ട്‌ നിലവിലുണ്ട്‌.
ഈ ക്ഷേത്രത്തിന്റെ ഏറ്റവും വലിയ പ്രത്യേകത ദ്വാരപാലകന്‍മാരാണ്‌. ഈ ദ്വാരപാലകര്‍ ശരിക്കും ദേവന്‍മാരാണന്നാണ്‌ ഐതീഹ്യം. ശാപത്താല്‍ രാക്ഷസന്‍മാരായി മാറിയ ഇവര്‍ മോക്ഷത്തിനായി പ്രാര്‍ത്ഥിച്ചു കൊണ്ടിരിക്കുകയാണത്രെ. കമലവല്ലി തയ്യാര്‍ ദേവിയെയാണ്‌ ഇവിടെ ആരാധിക്കുന്നത്‌. സ്ഥിരിമായി ഇവിടെ എത്തുന്ന തീര്‍ത്ഥാടകരുണ്ട്‌. മാര്‍ച്ചിലാണ്‌ ക്ഷേത്രത്തിലെ പ്രധാന ഉത്സവം .
