Click it and Unblock the Notifications
നവാബ്‌ സുജ-ഉദ്‌- ദൗള പത്‌നിയുടെ ഓര്‍മ്മയ്‌ക്കായി പണികഴിപ്പിച്ചതാണ്‌ ബാഹു ബിഗത്തിന്റ മക്‌ബാര. മുഗല്‍ വാസ്‌തു ശൈലിയുടെ ഉത്തമോദാഹരണമാണ്‌ ഈ ശവകുടീരം. താജ്‌മഹലിന്റെ ആഢംബരം പുനര്‍നിര്‍മ്മിക്കുന്നതിനുള്ള ശ്രമഫലമായി 1816 ല്‍ പണികഴിപ്പിച്ചതാണ്‌ ഈ ശവകുടീരം എന്നാണ്‌ ചരിത്രം. ശവകുടീരത്തിലെ വെള്ള മാര്‍ബിളുകളുടെ തിളക്കം ഇപ്പോഴും നിലനില്‍ക്കുന്നുണ്ട്‌. നിലാവില്‍ നശ്വരതയുടെ പ്രതീകമായി അനുഭവപ്പെടും ഈ ശവകുടീരം. 42 മീറ്റര്‍ ഉയരമുള്ള ഇവിടെ നിന്നും നോക്കിയാല്‍ ഫൈസാബാദിന്റെ ഭംഗി മുഴുവന്‍ ആസ്വദിക്കാന്‍ കഴിയും. ആര്‍ക്കിയോളജിക്കല്‍ ഡിപാര്‍ട്‌മെന്റ്‌ ഓഫ്‌ ഇന്ത്യയാണ്‌ ഈ സ്‌മാരകം സംരക്ഷിക്കുന്നത്‌.
