ഗഡാഗിലെത്തിയാല് തീര്ച്ചയായും കണ്ടിരിക്കേണ്ടതാണ് ത്രികൂടേശ്വര ക്ഷേത്രം. ഇതിനടുത്തായി സരസ്വതി ക്ഷേത്രം, സോമേശ്വര ക്ഷേത്രം എന്നിങ്ങനെ ഒട്ടേറെ ചെറുക്ഷേത്രങ്ങളുമുണ്ട്. ശിവനാണ് ഇവിടത്തെ പ്രധാന ദേവന്. കല്യാണി ചാലൂക്യ രാജാക്കന്മാര് പത്ത്, പന്ത്രണ്ട് നൂറ്റാണ്ടുകളിലായിട്ടാണ് ഈ ക്ഷേത്രങ്ങള് പണികഴിപ്പിച്ചതെന്നാണ് കരുതപ്പെടുന്നത്.
മൂന്ന് ശിവലിംഗങ്ങള് ഒരുമിച്ച് ഒരു കല്ലില് പ്രതിഷ്ഠിച്ചിരിക്കുന്നതായി കാണാം. ഈ മൂന്ന് ലിംഗങ്ങളും ചേര്ത്തുവച്ചിരിക്കുന്നതിനാലാണ് ത്രികൂടേശ്വര ക്ഷേത്രമെന്ന് ഇതിനെ വിളിക്കുന്നത്. ത്രിമൂര്ത്തി സങ്കല്പ്പത്തെയാണ്രേത ഈ മൂന്ന് ലിംഗങ്ങള് പ്രതിനിധാനം ചെയ്യുന്നത്. ത്രികൂടേശ്വര ക്ഷേത്രത്തിനുള്ഭാഗത്ത് കല്ലിലും മറ്റുമായി ഒട്ടേറെ ചെറുരൂപങ്ങള് കൊത്തിവച്ചിട്ടുണ്ട്.
അതുപോലെതന്നെ കൊത്തുപണികള് നിറഞ്ഞ തൂണുകളുമുണ്ട്. സരസ്വതി, ഗായത്രി, ശാരദ ദേവിമാരുടെ പ്രതിഷ്ഠകളുള്ള ക്ഷേത്രങ്ങളും ഈ ക്ഷേത്രസമുച്ചയത്തിലുണ്ട്. മറ്റ് ചാലൂക്യക്ഷേത്രങ്ങളെപ്പോലെ തന്നെ ത്രികുടേശ്വര ക്ഷേത്രവും കൊത്തുപണികളുടെയും കല്പ്പണികളുടെയും സങ്കേതമാണ്.