ഭാഗീരഥി നദിക്കരയിലാണ് ഗംഗോത്രി ക്ഷേത്രം സ്ഥിതി ചെയ്യുന്നത്. ഗംഗാദേവിക്ക് സമര്പ്പണം ചെയ്തിരിക്കുന്ന ഈ ക്ഷേത്രം സമുദ്രനിരപ്പില് നിന്ന് 3200 മീറ്റര് ഉയരത്തിലാണ് സ്ഥിതി ചെയ്യുന്നത്. ഗംഗാദേവിയുടെ ക്ഷേത്രങ്ങളില് ഏറ്റവും ഉയരത്തിലുള്ളതും, പ്രധാനപ്പെട്ടവയിലൊന്നുമാണ് ഇത്. ഗുര്ഖ ജനറലായിരുന്ന അമര്സിങ്ങ് ഥാപ്പയാണ് പതിനെട്ടാം നൂറ്റാണ്ടില് ഈ ക്ഷേത്രം പണിതത്. കനത്ത മഞ്ഞ് വീഴ്ചയുള്ളതിനാല് ശൈത്യകാലത്ത് ഈ ക്ഷേത്രം തുറക്കാറില്ല. ക്ഷേത്രത്തിന് സമീപത്തുള്ള നിരവധി ആശ്രമങ്ങളില് തീര്ത്ഥാടകര്ക്ക് താമസസ്ഥലവും, മറ്റ് സൗകര്യങ്ങളും ലഭിക്കും.