ഗംഗാനദിയുടെ പ്രധാനപ്പെട്ട കൈവഴിയായാണ് ഭാഗീരഥി നദി എണ്ണപ്പെടുന്നത്. ഗോമുഖില് നിന്നാണ് പുണ്യനദിയായ ഭാഗീരഥി നദി ഉത്ഭവിക്കുന്നത്. ഭഗീരഥന് എന്ന രാജാവിന്റെ തപസില് പ്രസാദിച്ച് അദ്ദേഹത്തിന്റെ പൂര്വ്വികരായ സാരരാജാക്കന്മാര്ക്ക് മുക്തി നല്കാനായി ഗംഗ ഭൂമിയിലേക്ക് പതിച്ചു. സ്വര്ലോകത്തില്നിന്നും ഗംഗ ഭൂമിയിലേക്ക് പതിക്കുന്നതിന്റെ ആഘാതം ഒഴിവാക്കാനായി സാക്ഷാല് പരമശിവന് ഗംഗയെ തന്റെ ശിരസ്സിലേക്ക് ഏറ്റുവാങ്ങി. ഇവിടെ നിന്നും ഗംഗ ഭൂമിയിലേക്ക് ഒഴുകിത്തുടങ്ങുന്ന സ്ഥലമാണ് ഗോമുഖ് എന്ന് അറിയപ്പെടുന്നത്. ഭഗീരഥന്റെ അപേക്ഷപ്രകാരം ഭൂമിയിലെത്തിയതിനാല് ഗംഗാനദി ഭാഗീരഥി എന്ന പേരില് അറിയപ്പെടുന്നു എന്നാണ് ഐതിഹ്യം.