ഗംഗാ - ഗന്ധക് പുഴകളുടെ പ്രധാന ഘട്ടമായ കൗന് ഹാര ഘട്ട് മുഖ്യ വിനോദസഞ്ചാരകേന്ദ്രങ്ങളിലൊന്നാണ്. നൂറ്റാണ്ടുകളായി ഇവിടെ ഹൈന്ദവ സംസ്കാരക്രിയകളും ആചാരങ്ങളും നടന്നുവരുന്നു. ഗജവീരനും മുതലയും തമ്മില് നടന്ന യുദ്ധത്തിന്റെ ഓര്മ്മയിലാണ് ഈ പേര് വന്നത്. ഒടുവില് വിഷ്ണുഭക്തനായ ഗജരാജന്റെ രക്ഷക്ക് വിഷ്ണു ഇടപെട്ടതായി ഐതിഹ്യങ്ങള് പറയുന്നു.
സാംസ്കാരിക പ്രാധാന്യമുള്ള ഈ കഥാ സന്ദര്ഭത്തിന് വളരെയധികം പ്രാധാന്യം നല്കുന്ന നഗരമാണിത്. നഗരത്തിന്റെ ചിഹ്നത്തിലും റെയില്വേസ്റ്റേഷനിലും മറ്റു പ്രധാന സ്ഥലങ്ങളിലും ഈ കഥാസന്ദര്ഭത്തിന്റെ സ്മാരകങ്ങള് നമുക്ക് കാണാനാവും. ഐതിഹ്യപ്രാധാന്യം നിറഞ്ഞ ഈ യുദ്ധത്തിന്റെ സ്മാരകമായാണ് ഈ സ്ഥലത്തിന് കൗന് ഹാര എന്ന പേര് വീണത്.