പരമശിവനാണ് ദക്ഷ മഹാദേവ ക്ഷേത്രത്തിലെ ആരാധനാമൂര്ത്തി. ഹരിദ്വാറില് നിന്നും 4 കിലോമീറ്റര് ദൂരത്തായാണ് ദക്ഷ മഹാദേവ ക്ഷേത്രം സ്ഥിതിചെയ്യുന്നത്. 1810 ല് റാണി ധാന്കൂറാണ് ഈ ക്ഷേത്രം പണികഴിപ്പിച്ചത്. പിന്നീട് 1962 ല് ക്ഷേത്രം പുനര്നിര്മിച്ചു. സതീദേവിയുടെ പിതാവായിരുന്ന ദക്ഷപ്രജാപതി യാഗം നടത്തിയ സ്ഥലമാണ് ഇതെന്നാണ് വിശ്വാസം. ശിവനെ മാത്രം ദക്ഷന് യാഗത്തിന് വിളിച്ചില്ല. അപമാനിതയായ സതീദേവി യാഗത്തിനുള്ള അഗ്നിയില്ചാടി ദേഹത്യാഗം ചെയ്തു എന്നാണ് ഐതിഹ്യം.