ജൈന മതക്കാര് ഹസ്തിനപുരിയൊരു തീര്ത്ഥാടന കേന്ദ്രമായിട്ടാണ് കണക്കാക്കുന്നത്. നഗരത്തിലെ ഏറ്റവും പുരാതനമായ ജൈന ദേവാലയമാണ് ദിഗംബര ജൈന ബഡാ ടെമ്പിള് . പേര് സൂചിപ്പിക്കുന്നത് പോലത്തന്നെ ഇതൊരു വലിയ ക്ഷേത്രമാണ്. 40 അടി ഉയരമുള്ള ഒരു ചെറുകുന്നിന്റെ മുകളിലാണ് ഈ ക്ഷേത്രം സ്ഥിതി ചെയ്യുന്നത്. നാല് ചെറിയ ചതുര സ്തൂപങ്ങള് ക്ക് മേലെയാണ് ക്ഷേത്രം നില്ക്കുന്നത്. ക്ഷേത്രത്തിനു മൂന്ന് വാതിലുകള് ഉണ്ട്. ഭഗവാന് ശാന്തിനാഥിന്റെ വെള്ള നിറമാര്ന്ന പ്രതിമയാണ് ഉള്ളില് പ്രതിഷ്ഠിച്ചിരിക്കുന്നത്. പദ്മാസനത്തില് ഇരിക്കുന്ന ഈ വിഗ്രഹമാണ് ക്ഷേത്രത്തിലെ ഏറ്റവും പ്രധാനപ്പെട്ട പ്രതിഷ്ഠ. ക്ഷേത്രത്തിന്റെ നിര്മ്മിതിയാണ് ഏറ്റവും ആകര്ഷകം. വളഞ്ഞു പുളഞ്ഞു പോകുന്ന ഒരു വള്ളി കണക്കിനാണ് ക്ഷേത്രപുറത്തിന്റെ രൂപകല്പ്പന. ജൈന മതക്കാരുടെ വേദകഥകള് വര്ണ്ണിക്കുന്ന സ്വര്ണ്ണചിത്രങ്ങള് കൊണ്ട് ക്ഷേത്രത്തിന്റെ ഉള് ഭാഗം ഭംഗിയാക്കിയിരിക്കുന്നു. ഏകദേശം 7 - 8 കിലോഗ്രാം സ്വര്ണ്ണം ഇതിനു വേണ്ടി ഉപയോഗിച്ചിട്ടുണ്ടെന്ന് കണക്കാക്കപ്പെടുന്നു. ക്ഷേത്രങ്കണത്തില് ഒരു ലൈബ്രറി, വ്രതാശ്രമം, ജല് മന്ദിര്, ആചാര്യ വിദ്യാനന്ദ് മ്യൂസിയം, കൈലാഷ് പര്വത് എന്നിവ സ്ഥിതി ചെയ്യുന്നു. ഇവിടെത്തന്നെ ഭക്തര്ക്ക് വേണ്ടി താമസ സൗകര്യവും ഭക്ഷണവും ഒരുക്കിയിരിക്കുന്നു.