മികുല്വാദയ്ക്ക് സമീപം കന്ഗേര് വാലി ദേശീയോദ്യാനത്തിലാണ് കൈലാസ ഗുഹകള് സ്ഥിതി ചെയ്യുന്നത്. ജഗദല്പൂരില് നിന്നും 40 കിലോമീറ്റര് അകലെയാണിത് സ്ഥിതി ചെയ്യുന്നത്. 1993 ല് കണ്ടെത്തിയ ഈ ഗുഹകള്ക്ക് 250 മീറ്റര് നീളമുണ്ട്. തറയില് നിന്നും 40 മീറ്റര് ഉയരത്തിലാണിവ സ്ഥിതി ചെയ്യുന്നത്.
ഗുഹയ്ക്കുള്ളില് ചുണ്ണാമ്പ്കല്പുറ്റുകള് രൂപം കൊണ്ടിരിക്കുന്നത് മനോഹരമായ കാഴ്ചയാണ്.ചെറിയ ഇടുക്ക് വഴി ഗുഹയ്ക്കുള്ളിലേക്ക് പ്രവേശിക്കാം. ഗുഹയുടെ അറ്റത്ത് ശിവലിംഗത്തിന്റെ ആകൃതിയിലുള്ള കല്പുറ്റ് കാണാന് കഴിയും . ഗുഹയുടെ പൊള്ളയായ ഭിത്തികളില് കൈകൊണ്ട് അടിച്ചാല് സംഗീത സ്വരങ്ങള് കേള്ക്കാന് കഴിയും.