ജോവൈയിലെ അംലാറെം സിവില് സബ്ഡിവിഷനിലാണ് ക്രാങ് സൂരി വെള്ളച്ചാട്ടം. പ്രദേശത്ത് കാണപ്പെടുന്ന നിരവധി വെള്ളച്ചാട്ടങ്ങളില് ഏറ്റവും മനോഹരമായ വെള്ളച്ചാട്ടമാണ് ക്രാങ് സൂരി. സസ്യങ്ങളാലും വലിയ പാറകളായും ചുറ്റപ്പെട്ട ഈ വെള്ളച്ചാട്ടം കവിഭാവനകളെ പോലും തൊട്ടുണര്ത്താന് പോന്നതാണ്.
വളരെ ഉയരമുള്ള വെള്ളച്ചാട്ടമല്ല ക്രാങ് സൂരി. അതുകൊണ്ട് തന്നെ ഇവിടെ കുളിക്കാനുമാകും. മഴക്കാലത്ത് വെള്ളച്ചാട്ടത്തിന്റെ ശക്തി കൂടും. ഈ സമയത്ത് ജലകണങ്ങള് പാറക്കൂട്ടങ്ങളില് വീണ് ചിന്നിച്ചിതറി മഞ്ഞിന്റെ പ്രതീതി സൃഷ്ടിക്കും.
വെള്ളച്ചാട്ടത്തിലേക്ക് പോകാന് ജില്ലാ ഭരണകൂടം കല്ലുപാകിയ പാത നിര്മ്മിച്ചിട്ടുണ്ട്. പ്രകൃതിക്ക് ഇണങ്ങുന്ന രീതിയില് നിര്മ്മിച്ചിരിക്കുന്ന ഈ പാതയില് സിമന്റ് ഉപയോഗിച്ചിട്ടില്ല. വിവിധ നിറങ്ങളിലുള്ള കല്ലുകള് മാത്രമാണ് പാതയുടെ നിര്മ്മാണത്തിന് ഉപയോഗിച്ചിരിക്കുന്നത്. മഴക്കാലമാണ് ക്രാങ് സൂരി സന്ദര്ശനത്തിന് ഏറ്റവും അനുയോജ്യമായ സമയം. ഈ സമയത്ത് ക്രാങ് സൂരിയുടെ സൗന്ദര്യം പൂര്ണ്ണമായും ആസ്വദിക്കാനാകും.