ജനങ്ങള്ക്കിടയില് സാഹോദര്യത്തിനും ഐക്യത്തിനും വേണ്ടി പ്രയത്നിച്ച ഒരു മുസ്ലിം പുരോഹിതനായിരുന്നു ഗരീബ് ഷാ. ജമ്മുവിലെ ജനങ്ങള്ക്കിടയില് പ്രിയങ്കരനായ ഇദ്ദേഹത്തിന്റെ ദേവാലയം ഹിന്ദുക്കളും മുസ്ലിംകളും ഒരുപോലെ പവിത്രമായ് കരുതുന്നു.
ഈ സന്യാസിക്ക് ദിവ്യശക്തികളുണ്ടെന്ന് ജനങ്ങള് വിശ്വസിച്ചിരുന്നു. അഭീഷ്ടകാര്യങ്ങളുടെ സാഫല്യത്തിനായി ആളുകള് ഇദ്ദേഹത്തെ സമീപിക്കാറുണ്ടായിരുന്നു. ഇവിടെയുള്ള ഹിന്ദു സമൂഹമാണ് ഈ കല്ലറയുടെ പരിപാലനത്തിന് മേല്നോട്ടം വഹിക്കുന്നത് എന്നതിനാല് നാനാത്വത്തില് ഏകത്വം എന്ന നാടിന്റെ ധാര്മ്മിക മുദ്രാവാക്യത്തിന്റെ പ്രായോഗിക രൂപമാണ് ഈ സ്മാരകകുടീരം. പ്രശ്നകലുഷിതമായ നഗരജീവിതത്തില് നിന്ന് അല്പമൊന്ന് വിട്ടുനില്ക്കാന് ആഗ്രഹിക്കുന്നവര്ക്കുള്ള ശാന്തിതീരമാണ് ഗരീബ് ഷായുടെ ദര്ഗ.