കുമോണ് മലനിരകളോട് ചേര്ന്നുകിടക്കുന്ന മനോഹരമായ ഈ ഹോളിഡേ റിസോര്ട്ട് അതിന്റെ ആരംഭത്തില് ഒരു ഹെല്ത്ത് റിസോര്ട്ട് ആയിരുന്നു. പിന്നീട് ഒരു സ്കോട്ട്ലാന്ഡ് വനിതയും മകളും ചേര്ന്ന് ഒരു ഹോട്ടല് എന്ന രീതിയിലേക്ക് ഇതിനെ മാറ്റി. പൂക്കളും കായ്കനികളും തിങ്ങിനിറഞ്ഞ ഈ റിസോര്ട്ട് യാത്രക്കാരുടെ മനസ്സിന് നവോന്മേഷം പകരുന്നു. കുമോണി പാരമ്പര്യവും ആധുനികതയും ഇഴചേരുന്ന കോട്ടേജിന്റെ വാസ്തുചാരുത ആരെയും അതിശയിപ്പിക്കുന്നതാണ്. കുടുംബസമേതം വന്നെത്തി ഒഴിവുകാലം ആസ്വദിക്കാന് എന്തുകൊണ്ടും അനുയോജ്യമാണ് ഈ കോട്ടേജ്.