ഏപ്രില് മുതല് മെയ് വരെയാണ് വേനല്ക്കാലം. വേനല്ക്കാലത്ത് പകല്സമയത്ത് കടുത്ത ചൂട് അനുഭവപ്പെടുന്നു. 40 ഡിഗ്രി സെല്ഷ്യസ് വരെ ഈ രണ്ട് മാസങ്ങളില് ഇവിടത്തെ ചൂട് ഉയരുന്നു. കുറഞ്ഞ താപനിലയാകട്ടെ 22 ഡിഗ്രി സെല്ഷ്യസും. അതിനാല്ത്തന്നെ യാത്രികര് വേനല്ക്കാലത്ത് ഇവിടെയത്തുക കുറവാണ്.
ജൂണ് മുതല് സെപ്തംബര് വരെയുള്ള കാലത്താണ് ഇവിടെ മഴപെയ്യുന്നത്. കനത്തമഴയാണ് ഇവിടെ ലഭിക്കുക. കനത്ത മഴയില് മനോഹരിയായി കിടക്കുന്ന ജോഗ് ഫാള്സിന്റെ വന്യത കാണാനായി നിരവധി യാത്രികര് ഇവിടെയെത്തുന്നു.
ഒക്ടോബര് മുതല് ഡിസംബര് വരെയാണ് ഇവിടത്തെ ശൈത്യകാലം. പകല് സമയത്തും രാത്രിയുമെല്ലാം മനോഹരമായ കാലാവസ്ഥയാണ് ഇക്കാലത്ത്. 28 ഡിഗ്രി സെല്ഷ്യസിനും 10 ഡിഗ്രി സെല്ഷ്യസിനുമിടയിലായിരിക്കും ഈ സമയത്തെ താപനില.