ഹിന്ദു ദൈവമായ ശിവന്റേതാണ് ഏകാംബരേശ്വര ക്ഷേത്രം. കാഞ്ചീപുരം പട്ടണത്തിന്  വടക്ക് ഭാഗത്തായി സ്ഥിതിചെയ്യുന്ന ഈ ക്ഷേത്രം  എ ഡി 600ല്‍ നിര്‍മ്മിച്ചതാണ്‌. വര്‍ഷം മുഴുവന്‍ ആയിരക്കണക്കിന് ഭക്തജനങ്ങളാണ് ശിവന്റെ അനുഗ്രഹസിദ്ധിക്ക് വേണ്ടി ഇവിടേക്ക് പ്രവഹിക്കുന്നത്.

ശിവപത്നിയായ പാര്‍വതി ഇവിടെ ഒരു മാവിന്റെ ചുവട്ടില്‍ തപസ്സനുഷ്ടിച്ചിരുന്നെന്ന്  പുരാണങ്ങള്‍ പറയുന്നു. ക്ഷേത്രപരിസരത്ത് ഈ മാവ്  ഇന്നും വിശ്വാസികള്‍ക്ക് കാണാം.

പല്ലവ രാജാക്കന്മാര്‍ പണിതതാണ് ഈ ക്ഷേത്രമെന്ന്  വിശ്വസിക്കപ്പെടുന്നു. അക്കാലത്തെ വാസ്തുകലാചാതുരിയുടെ ഉത്തമ ഉദാഹരണമാണ് ഈ ക്ഷേത്രം. പിന്നീട് വന്ന ഭരണാധികാരികള്‍ ക്ഷേത്രത്തെ പുനരുദ്ധരിക്കുകയും നവീകരിക്കുകയും ചെയ്തു.