ഗ്രീന് പാര്ക്ക് സ്റ്റേഡിയം എന്നറിയപ്പെടുന്ന ഗ്രീന് പാര്ക്ക് കാണ്പൂരിലെ സിവില് ലൈനിന് സമീപത്ത് ഗംഗാതീരത്തായാണ് സ്ഥിതി ചെയ്യുന്നത്. സ്വാതന്ത്ര പൂര്വ ഇന്ത്യയില് കുതിരസവാരി പഠിക്കാന് ഈ പാര്ക്ക് ഉപയോഗിച്ചിരുന്ന മാഡം ഗ്രീന് എന്നറിയപ്പെട്ടിരുന്ന ബ്രിട്ടീഷ് വനിതയില് നിന്നാണ് ഈ സ്ഥലത്തിന് പ്രസ്തുത നാമം വന്നത്.
ഉത്തര് പ്രദേശ് ക്രിക്കറ്റ് ടീമിന്റെ കളി സ്ഥലമാണ് ഈ സ്റ്റേഡിയം. 60000പേര്ക്ക് ഇരിക്കാവുന്ന സ്റ്റേഡിയം ഫ്ലഡ്ലൈറ്റ് സൗകര്യമുള്ളതാണ്. അന്താരാഷ്ട്ര ക്രിക്കറ്റ് മാച്ചുകളും ഇവിടെ നടക്കാറുണ്ട്. സ്റ്റുഡന് സ് ഗ്യാലറി എന്ന പേരില് വിദ്യാര് ഥികള്ക്കുള്ള പ്രത്യേക ഇരിപ്പിടം ഈ സ്റ്റേഡിയത്തിന് റെ പ്രത്യേകതയാണ്. വീഡിയോ സ്ക്രീനുകളും ലോകത്തെ തന്നെ ഏറ്റവും വലിയ കൈകൊണ്ട് കൈകാര്യം ചെയ്യാവുന്ന സ്കോര് ബോര് ഡും ഈ സ്റ്റേഡിയത്തിന് റെ പ്രത്യേകതയാണ്.
അജയ്യരായിരുന്ന ആസ്ട്രേലിയന് ക്രിക്കറ്റ് ടീമിനെ ഇന്ത്യന് ടീം 1959 ഡിസംബറില് പരാജയപ്പെടുത്തിയത് ഈ സ്റ്റേഡിയത്തിലായിരുന്നു. സുഭാഷ് ഗുപ്തെ, ജാസുഭായ് പട്ടേല്, മാല്കം മാര് ഷല്, സുനില് ഗവാസ്കര് , ഗുണ്ടപ്പ വിശ്വനാഥ്, കപില് ദേവ്, അനില് കുംബ്ലേ, മുഹമ്മദ് അസ്ഹറുദ്ദീന് എന്നിങ്ങനെയുള്ള നിരവധി അന്താരാഷ്ട്ര ക്രിക്കറ്റ് കളിക്കാരുടെ മികച്ച പ്രകടനങ്ങള്ക്ക് സാക്ഷിയായതാണ് ഈ സ്റ്റേഡിയം.