Click it and Unblock the Notifications
കരന്‍ജിയയില്‍ നിന്നും 40 കിലോമീറ്റര്‍ അകലെ സ്ഥിതി ചെയ്യുന്ന പ്രകൃതിദത്തമായ ജലസംഭരണിയാണ്‌ ഭീമകുണ്ഡ. പ്രകൃതി മനോഹരനമായ സ്ഥലത്ത്‌ സ്ഥിതി ചെയ്യുന്ന ഈ ജലസംഭരണി വളരെ പവിത്രമാണന്നാണ്‌ കരുതപ്പെടുന്നത്‌. ദ്രൗപതിയോടൊപ്പം പാണ്ഡവന്‍മാര്‍ ഈ വനത്തിലൂടെ കടന്നുപോയപ്പോള്‍ ഭീമന്‍ ഇവിടെ ഇറങ്ങി കുളിച്ചു എന്നാണ്‌ ഐതീഹ്യങ്ങളില്‍ പറയുന്നത്‌. അന്നുമുതല്‍ പവിത്രമായി കരുതപ്പെടുന്ന ഈ ജലത്തില്‍ മുങ്ങുന്നതിനായി ജനുവരിയിലെമകരസംക്രാന്തി നാളില്‍ നിരവധി പേര്‍ എത്താറുണ്ട്‌. ഈ സമയത്ത്‌ മകര സംക്രമ മേള ഇവിടെ ആഘേഷിക്കാറുണ്ട്‌. ജലസംഭരണിയ്‌ക്ക്‌ അടുത്തായിട്ടാണ്‌ കുന്ദേശ്വര ശിവ ക്ഷേത്രം. മാ രംഗബുരുവിനെ ആരാധിക്കുന്നതിനായി ഇവിടുത്തെ ഗോത്രവര്‍ഗ്ഗക്കാര്‍ സ്ഥിരം സന്ദര്‍ശിക്കുന്ന ക്ഷേത്രമാണ്‌ രംഗബുരു ക്ഷേത്രം. പ്രകൃതി മനോഹരമായ ഈസ്ഥലം പിക്‌നിക്കിന്‌ ഇണങ്ങിയ പ്രദേശമാണ്‌.
