Click it and Unblock the Notifications
കാര്‍വാര്‍ നഗരത്തില്‍ നിന്നും 4 കിലോമീറ്റര്‍ സഞ്ചരിച്ചാല്‍ ഈ ക്ഷേത്രത്തിലെത്താം. കാളി നദിയുടെ തീരത്താണ് ക്ഷേത്രം സ്ഥിതിചെയ്യുന്നത്. ഗണപതിയുടെ മകളായ ശ്രീ ജയ് സന്തോഷി മാതയാണ് ക്ഷേത്രത്തിലെ പ്രധാന പ്രതിഷ്ഠ. ദുര്‍ഗാദേവിയുടെ പുനരവതാരമാണ് ഈ ദേവിയെന്നാണ് വിശ്വസിക്കപ്പെടുന്നത്. എല്ലാവര്‍ഷവും ഉത്സവ സമയത്താണ് ഇവിടെ ഏറ്റവും കൂടുതല്‍ സന്ദര്‍ശകര്‍ എത്താറുള്ളത്.
എല്ലാ വ്യാഴാഴ്ചകളിലും വെള്ളിയാഴ്ചകളിലും ഇവിടെ ദീപോത്സവം നടക്കും. ഈ സമയത്ത് ക്ഷേത്രവും ക്ഷേത്രപരിസരവുമെല്ലാം ദീപങ്ങളാല്‍ അലങ്കരിക്കും. ശ്രാവണമാസത്തില്‍ ഉഗാദി ലക്ഷദീപോത്സവവും നടക്കാറുണ്ട്. മംഗള കാര്യ, നവരാത്രി പല്ലകി ഉത്സവ്, വൃത്ത് ഉദ്യപന എന്നിവയാണ് ക്ഷേത്രത്തിലെ മറ്റ് പ്രധാന ഉത്സവങ്ങള്‍. കാര്‍വാര്‍ നഗരത്തില്‍ നിന്നും ഇവിടെയെത്താന്‍ ബസുകളും ടാക്‌സികളും ലഭ്യമാണ്.
