കഠുവാ ജില്ലയില് നിന്ന് 13 കിലോമീറ്റര് അകലെ പരോള് ഗ്രാമത്തില് സ്ഥിതി ചെയ്യുന്ന ഒരു പുരാതന ക്ഷേത്രമാണ് മാതാ ബാലസുന്ദരി. മാവുകളാല് ചുറ്റപ്പെട്ട ഈ ക്ഷേത്രം ബാലാജി സുന്ദരി എന്നും അറിയപ്പെടുന്നു.
ഈ ക്ഷേത്രത്തെ പറ്റി പ്രശസ്തമായ ഒരു ഐതിഹ്യമുണ്ട്. ഒരു ബ്രാഹ്മണന് പുല്ല് വെട്ടുന്നതിനിടെ അദ്ദേഹത്തിന്റെ അരിവാള് ഒരു കല്ലില് കൊള്ളുകയും അതില് നിന്ന് രക്തം വരുകയും ചെയ്തത്രേ. അന്ന് രാത്രി ബ്രാഹ്മണന്റെ സ്വപ്നത്തില് ദേവി പ്രത്യക്ഷപ്പെടുകയും ആ കല്ല് ആല്മരച്ചുവട്ടില് വയ്ക്കാന് നിര്ദ്ദേശിക്കുകയും ചെയ്തു. ഈ കല്ല് ദേവിയുടെ പുനര്ജന്മമാണെന്നാണ് വിശ്വാസം. ഈ കല്ലാണ് പ്രധാന ക്ഷേത്രത്തില് പ്രതിഷ്ഠിച്ചിരിക്കുന്നത്. നവരാത്രി ഉത്സവത്തോട് അനുബന്ധിച്ച് ധാരാളം വിശ്വാസികള് ഈ ക്ഷേത്രത്തിലെത്താറുണ്ട്.