കെസ്രോളിയിലാണ് പതിനാലാം നൂറ്റാണ്ടില് സ്ഥാപിക്കപ്പെട്ട ഈ ഹില് ഫോര്ട്ട് സ്ഥിതിചെയ്യുന്നത്. ചുറ്റുമുള്ള കൃഷിയിടങ്ങളും മനോഹരങ്ങളായ കാഴ്ചകളും കാണാവുന്ന തരത്തിലാണ് കോട്ടയുടെ സംവിധാനം. യദുവന്ഷി രജപുത്രരാണ് ആറുനൂറ്റാണ്ടുകള്ക്കപ്പുറം ഈ കോട്ട നിര്മിച്ചത്. ശ്രീകൃഷ്ണഭഗവാന്റെ വംശജരാണ് ഇവരെന്നാണ് കരുതപ്പെടുന്നത്. ഇക്കാലത്തിനിടയ്ക്ക് നിരവധി ആളുകളുടെ ഭരണത്തിന് കീഴിലൂടെ ഈ കോട്ട കടന്നുപോയിട്ടുണ്ട്.
മുഗളര്, ജാട്ട് രാജാക്കന്മാര് എന്നിവരിലൂടെ ഒടുവില് 1775 ല് ആള്വാര് രാജ്യത്തിന്റെ ഭാഗമായി കെസ്രോളി കോട്ട രജപുത്രരില് എത്തിച്ചേരുകയായിരുന്നു. ചരിത്രപാരമ്പര്യമുള്ള ഈ കോട്ട ഇപ്പോള് ഒരു ടൂറിസ്റ്റ് റിസോര്ട്ടായി രൂപാന്തരപ്പെട്ടിരിക്കുകയാണ്. മംഗല്സിംഗിന്റെ നേതൃത്വത്തിലുള്ള ഈ ഹെറിറ്റേജ് ഹോട്ടിലിന് ഇപ്പോള് പേര് നീംരണ ഹെറിറ്റേജ് എന്നാണ്.