ഈസ്റ്റേണ് ഗ്രൂപ്പില് പെടുന്ന ക്ഷേത്രങ്ങളിലൊന്നാണ് ജൈന ക്ഷേത്രമായ ഗന്തായ്. ഗന്തായ് എന്ന വാക്കിനര്ത്ഥം മണി എന്നാണ്. ഈ ക്ഷേത്രത്തിലെ തൂണുകളില് കൊത്തിയിരിക്കുന്ന മണികളുടെ രൂപം കൊണ്ടാണ് ഈ പേരില് ക്ഷേത്രം അറിയപ്പെടാനിടയായത്. എ.ഡി 950-1050 കാലത്താണ് ഗന്തായ് ക്ഷേത്രം ഗന്തായ് ക്ഷേത്രം നിര്മ്മിക്കപ്പെട്ടത്.
വാതില് പാളിയുടെ അരികുകളിലെ കൊത്തുപണികളാല് ഏറെ പ്രസിദ്ധമാണ് ഈ ക്ഷേത്രം. മഹാവീരന്റെ അമ്മയുടെ പതിനാറ് സ്വപ്നങ്ങളാണ് ഇതില് വര്ണ്ണിക്കുന്നത്. പല കൈകകളുള്ള ഒരു ജൈന ആരാധനാമൂര്ത്തി ഗരുഡന്റെ പുറത്തിരിക്കുന്ന രൂപവും ഇവിടെയുണ്ട്. കിഴക്കോട്ട് ദര്ശനമുള്ള ഈ ക്ഷേത്രത്തിന്റെ ചുവരുകളും കൊത്തുപണികളാല് സമൃദ്ധമാണ്.
ജൈനവിശ്വാസമനുസരിച്ച് മഹാവീരന് അവസാനത്തെ തീര്ത്ഥങ്കരന് അഥവാ സ്വതന്ത്ര ആത്മാവ് ആയി ഈ ഭൂമിയില് നടന്നിരുന്നു. അതിനാലാണ് ഈ ക്ഷേത്രത്തിന് വിശ്വാസികതള്ക്കിടയില് ഇത്ര പ്രാധാന്യം വന്നത്. പാര്ശ്വനാഥ് ക്ഷേത്രത്തിലേതിന് സമാനമായ ചിത്രീകരണങ്ങള് ഇവിടെ കാണാമെങ്കിലും ഇവ അവയേക്കാള് ഇരട്ടിയോളം വലുപ്പക്കൂടുതലുള്ളതാണ്. ഈ ക്ഷേത്രത്തിന് ചുറ്റും മറ്റ് ജൈന ക്ഷേത്രങ്ങളുമുണ്ട്.