Click it and Unblock the Notifications
ഖജുരാഹോയിലെ ഈസ്റ്റേണ്‍ ഗ്രൂപ്പ് ക്ഷേത്രങ്ങളില്‍ പെടുന്നതാണ് വാമന ക്ഷേത്രം. എ.ഡി 1050-1075 കാലത്താണ് ഇത് പണി കഴിക്കപ്പെട്ടത്. വിഷ്ണുവിന്റെ അവതാരമായ വാമനനാണ് ഇവിടുത്തെ പ്രതിഷ്ഠ. മറ്റ് ക്ഷേത്രങ്ങളില്‍ നിന്ന് വ്യത്യസ്ഥമായ ശ്രീകോവിലിന് ചുറ്റുമുള്ള പ്രദക്ഷിണം ഇവിടെയില്ല. ആദിനാഥ് ക്ഷേത്രവുമായി നിര്‍മ്മാണത്തില്‍ ഏറെ സാമ്യമുണ്ട് ഈ ക്ഷേത്രത്തിന്.
വാമനക്ഷേത്രത്തില്‍ ഷിക്കാര, മഹാമണ്ഡപം എന്നിവയുണ്ട്. നിര്‍മ്മാണ ശൈലിയില്‍ മറ്റ് ഖജുരാഹോ ക്ഷേത്രങ്ങള്‍ക്ക് സമാനമാണ് വാമനക്ഷേത്രം. ക്ഷേത്രത്തിലെ ഗര്‍ഭഗൃഹത്തില്‍ വാമനന്‍റെ വിഗ്രഹങ്ങളുണ്ട്.
ദൈവങ്ങള്‍, ദേവതമാര്‍, ദേവ കിങ്കരന്മാര്‍, സ്ത്രീരൂപങ്ങള്‍, സാങ്കല്പിക കഥാപാത്രങ്ങള്‍ തുടങ്ങിയ രൂപങ്ങളാല്‍ സമ്പന്നമാണ് ക്ഷേത്ര ചുമരുകള്‍. മനോഹരമായ പ്രകൃതി പശ്ചാത്തലമൊരുക്കുന്നതിനാല്‍ ഈ ക്ഷേത്രത്തിന്‍റെ കാഴ്ച ഏറെ ആകര്‍ഷകമാണ്.
