കിന്നൌറിലെ ട്രെക്കിംങ്, സാഹസികതയ്ക്കൊപ്പം വളരെയേറെ ആസ്വാദ്യകരവുമാണ്. ജനവാസവും വ്യവഹാരങ്ങളും കുറവായതിനാല്‍ സഞ്ചാരികള്‍ക്ക് യഥേഷ്ടം എവിടെയും വിഹരിക്കാം. സംഗ്ല താഴ്വരയും ഭാഭ താഴ്വരയും കൈലാഷ് പര്‍വ്വതവുമാണ് ഈ മേഖലയിലെ പ്രധാന ട്രെക്കിംങ് കേന്ദ്രങ്ങള്‍. അടുത്തുള്ള പുണ്യസങ്കേതങ്ങളിലേക്കും സാങ്ച്വറികളിലേക്കും സഞ്ചാരികള്‍ക്ക് ട്രെക്കിംങ് വഴി ചെന്നെത്താം.