റാണാ സാബ് രാജാവ് പണിത കോട്ട്ഖായി കൊട്ടാരം തന്നെയാണ് ഈ പട്ടണത്തിന്‍റെ ആകര്‍ഷണ കേന്ദ്രം. കുത്തനെയുള്ള ഒരു മലഞ്ചെരുവിലാണ് ഈ കോട്ട സ്ഥിതിചെയ്യുന്നത്. ബാസ എന്നാണ് നാട്ടുകാര്‍ കോട്ടയെ വിളിക്കുന്നത്. തിബത്തന്‍ വാസ്തുകലാ ശൈലി ദ്യോതിപ്പിക്കു ന്ന പഗോഡ മാതൃകയിലാണ് ഇതിന്‍റെ മേല്‍ക്കൂരകള്‍ രൂപകല്‍പന ചെയ്തിരിക്കുന്നത്. അല്‍പം ഉയര്‍ന്ന വിതാനത്തില്‍ മരത്തിന്‍റെ ചട്ടക്കൂട്ടിലാണ് ഇത് പണിതിരിക്കുന്നത്. പുരാതന തച്ചുശാ സ്ത്ര കലയുടെ നിത്യസാന്നിദ്ധ്യമാണ് ഈ കോട്ട. കുന്നിന്‍റെ താഴ്വാരത്തിലൂടെ ഒഴുകുന്ന ഗിരിഗംഗാ നദിയുടെ വിഹഗ വീക്ഷണം സഞ്ചാരികള്‍ക്ക് ഇവിടെ നിന്ന് സാദ്ധ്യമാണ്.