തിരുവനന്തപുരത്തെ ഏറ്റവും വലിയ ശുദ്ധജലതടാകമാണ് വെള്ളായണി ലേക്ക്. വെള്ളായണി കായല് എന്ന പേരിലാണ് ഇത് പ്രാദേശികമായി അറിയപ്പെടുന്നത്. തിരുവനന്തപുരം പ്രധാന ബസ് സ്റ്റേഷനില്നിന്നും 9 കിലോമീറ്റര് മാത്രമകലെയുള്ള വെള്ളായണി കായല് വിനോദസഞ്ചാരികളുടെ ഇഷ്ടകേന്ദ്രങ്ങളിലൊന്നാണ്.
കോവളത്തെത്തുന്ന സഞ്ചാരികള് വെള്ളായണി കായലിലെത്തുക പതിവാണ്. നീലനിറത്തിലുള്ള ശുദ്ധജലമാണ് വെള്ളായണി കായലിലെ പ്രത്യേകത. ഓണക്കാലത്ത് ഇവിടെ വള്ളംകളിയും മറ്റും അരങ്ങേറുന്നു. ഓണക്കാലത്ത് തിരുവനന്തപുരത്തെത്തുന്ന സഞ്ചാരികള് കണ്ടിരിക്കേണ്ട ഒരു കാഴ്ചയാണിത്.