കര്ണാടകയിലെയും, തമിഴ്നാട്ടിലെയും പ്രധാന നഗരങ്ങളുമായെല്ലാം കൃഷ്ണഗിരി റോഡ് വഴി ബന്ധിക്കപ്പെട്ടിരിക്കുന്നു. ഇവിടേക്കെത്താന് ഏറ്റവുമധികം ഉപയോഗിക്കുന്ന വഴി ബാംഗ്ലൂര് - ചെന്നൈ റൂട്ടാണ്. ഈ വഴിയേ നിരവധി സര്ക്കാര്, പ്രൈവറ്റ് ബസുകള് സര്വ്വീസ് നടത്തുന്നു. ടാക്സികളും ഇവിടേക്ക് ലഭിക്കും. ബാംഗ്ലൂര് - ചെന്നൈ റൂട്ട് വളരെ പ്രകൃതിഭംഗി നിറഞ്ഞ വഴിയാണ്. എന്.എച്ച് 7, എന്.എച്ച് 46, എന്.എച്ച് 66, എന്.എച്ച് 207, എന്.എച്ച് 219 എന്നിവ കൃഷ്ണഗിരി വഴിയാണ് കടന്ന് പോകുന്നത്.