സംഹാരത്തിന്റെ മൂര്‍ത്തിയായ പരമശിവനാണ് ഈ ക്ഷേത്രത്തിലെ പ്രതിഷ്ഠ. അത്യപൂര്‍വ്വ ശക്തിയുള്ളതാണ് സോമേശ്വരേക്ഷത്രത്തിലെ ശിവലിംഗം എന്ന് കരുതപ്പെടുന്നു. ഗണേശക്ഷേത്രത്തെക്കാളും പഴക്കം ചെന്നതാണ് ഈ ശിവക്ഷേത്രം. ഈ ശിവക്ഷേത്രം ചോളന്മാരുടെ കാലത്ത് നിര്‍മിക്കപ്പെട്ടതാണ് എന്ന് കരുതുന്നു. ജനകചാരി എന്ന ഒരു ശില്‍പിയും അദ്ദേഹത്തിന്റെ മകനായ ദകനചാരിയുമാണ് ക്ഷേത്രത്തിന്റെ പണികള്‍ തീര്‍ത്തത്.

ക്ഷേത്രത്തിന്റെ ഒരു വശത്ത് ജനകാചാരിയുടെയും മറുഭാഗത്ത് ദകനചാരിയുടെയും ശില്‍പചാതുര്യം വെളിവാക്കുന്ന കൊത്തുപണികള്‍ കാണാം. പൂര്‍ണമായും കല്ലില്‍ത്തീത്ത ഈ ക്ഷേത്രത്തിന് അടിത്തറ കെട്ടിയിട്ടില്ല എന്നതാണ് കൗതുകകരമായ ഒരു കാര്യം.