വൈഗാനദിക്ക് കുറുകെ പണികഴിപ്പിച്ചിരിക്കുന്ന പ്രശസ്തമായ അണക്കെട്ടാണ് വൈഗ ഡാം. ആണ്ടിപ്പട്ടിക്ക് സമീപം തേനി ജില്ലയിലാണ് ഈ അണക്കെട്ട്. മധുര, ഡിണ്ടിഗല് തുടങ്ങിയ പ്രദേശങ്ങളിലേക്കുളള കുടിവെള്ളത്തിന്റെ പ്രധാന ഉറവിടമാണ് ഈ അണക്കെട്ട്. അഗ്രികള്ച്ചറല് റിസര്ച്ച് സ്റ്റേഷന് ഓഫ് തമിഴ്മനാട് ഈ അണക്കെട്ടിന് സമീപത്തായി സ്ഥിതിചെയ്യുന്നു. തമിഴ്നാട്ടിലെക്ക് വൈദ്യുതി എത്തിക്കുന്ന വൈഗ വൈദ്യുതപദ്ധതിയും ഈ അണക്കെട്ടിലാണ്. കനത്ത കാടിന് നടുവിലെ ആ അണക്കെട്ടില് ബോട്ടിംഗിനുള്ള സൗകര്യവുമുണ്ട്.