മാണ്ഡിയിലെ ചിന്ഡിയില് നിന്നും പതിമൂന്ന് കിലോമീറ്റര് അകലെയാണ് മാമലേശ്വര് ശിവ ക്ഷേത്രം. ഒറ്റക്കല്ലില് കൊത്തിയ ശിവ പ്രതിമയാണ് ഇവിടുത്തെ പ്രതിഷ്ഠ. മരത്തില് കൊത്തിയ ആകര്ഷകമായ തൂണുകളും വാസ്തു ശൈലിയും ഈ ക്ഷേത്രത്തിന്റെ പ്രത്യേകതയാണ്. വനവാസ കാലത്ത് പാണ്ഡവര് നിര്മ്മിച്ചതാണ് ഈ ക്ഷേത്രം എന്നാണ് വിശ്വാസം. ആറ് അടി പൊക്കമുള്ള ഒരു ഡ്രമ്മും ഇരുന്നൂറ്റി അമ്പത് ഗ്രാം തൂക്കമുള്ള ഒരു ഗോതമ്പുമണിയും ഈ ക്ഷേത്രത്തിനുള്ളിലെ അത്ഭുത കാഴ്ച്ചകളാണ്.