മയിലാടുതുറയിലെത്തിയാല് തീര്ച്ചയായും സന്ദര്ശിച്ചിരിക്കേണ്ട ക്ഷേത്രമാണ് മയൂരനാഥസ്വാമി ക്ഷേത്രം. മയൂരത്തിന്റെ ഭര്ത്താവെന്നാണ് മയൂരനാഥന് എന്ന വാക്കിനര്ത്ഥം. ശിവന്റെ ശാപത്താല് മയിലായിത്തീര്ന്ന പാര്വ്വതി. തുടര്ന്ന് പാര്വ്വതി ഈ രൂപത്തില് ഇവിടെ ശിവനെ ആരാധിച്ചുപ്രീതിപ്പെടുത്തിയെന്നാണ് ക്ഷേത്രവുമായി ബന്ധപ്പെട്ട ഐതീഹ്യം. കുലോത്തുംഗ ചോളരാജാക്കന്മാരുടെ കാലത്തെ ലിഖിതങ്ങള് ഈ ക്ഷേത്രച്ചുവരുകളിലും കാണാം.
മയൂരനാട്യാഞ്ജലിയെന്ന പേരില് ഇവിടെ എല്ലാവര്ഷവും നൃത്തോത്സവം നടക്കാറുണ്ട്. നടരാജനുള്ള വഴിപാടെന്ന നിലയ്ക്കാണ് നൃത്തോത്സവം നടത്തിവരുന്നത്. മഹാശിവരാത്രി സമയത്ത് സപ്തസ്വരങ്ങള് ട്രസ്റ്റാണ് പരിപാടി നടത്തുന്നത്. ഇതേ സമയത്തുതന്നെയാണ് ചിദംബരം നാട്യാഞ്ജലി ഉത്സവവും നടക്കുന്നത്. ഇന്ത്യയുടെ പലഭാഗത്തുനിന്നുള്ള നൃത്തപ്രേമികള് ഈ നൃത്തോത്സവത്തിന് എത്താറുണ്ട്.