മയിലാടുതുറയിലെ ഏറ്റവും പ്രധാനപ്പെട്ട ഉത്സവമാണ് ഒരുമാസക്കാലം നീണ്ടുനില്ക്കുന്ന തുലാ ഉത്സവം. ഒക്ടോബര് പകുതി മുതല് നവംബര് പകുതിവരെയുള്ള സമയത്ത് വരുന്ന ഐപ്പാസി മാസത്തിലാണ് ഈ ഉത്സവം നടക്കുന്നത്. ഇക്കാലത്ത് ഇവിടെ വന് ഭക്തജനത്തിരക്കാണ് അനുഭവപ്പെടാറുള്ളത്. വടക്കേഇന്ത്യയിലെ കുംഭമേളപോലെ തുലാ ഉത്സവം നടക്കുന്നത് കാവേരിയുടെ തീരത്താണ്. ഐപ്പാശി മാസത്തിലെ അവസാനത്തെ ദിവസം കടായ്മുഗം എന്ന ആഘോഷം നടക്കുന്നു. പുണ്യനദികളായ ഗംഗം, യമുന, സരസ്വതി എന്നിവചേര്ന്ന് കാവേരിയിലെത്തി പരിശുദ്ധിവരുത്തുന്നുവെന്നതാണ് ഈ ആഘോഷത്തിന് പിന്നിലുള്ള വിശ്വാസം.
ഈ നേരത്ത് ഇവിടെ സ്നാനം ചെയ്യുന്നത് പാപങ്ങളും അസുഖങ്ങളും ഇല്ലാതാക്കുമെന്ന് വിശ്വസിക്കപ്പെടുന്നു. മൂന്നു പുണ്യനദികളിലും സ്നാനം ചെയ്ത പുണ്യമാണ് ഈ ദിവസം ഇവിടെ കാവേരിയില് സ്നാനം ചെയ്താല് കിട്ടുന്നതെന്നാണ് വിശ്വാസം. വല്ലര് ക്ഷേത്രത്തിലെയും മയൂരനാഥസ്വാമി ക്ഷേത്രത്തിലെയും രംഗനാഥസ്വാമി ക്ഷേത്രത്തിലെയും ബിംബങ്ങള് ഈ സമയത്ത് രഥത്തിലേറ്റി നഗരം പ്രദക്ഷിണം വെയ്ക്കുന്ന ചടങ്ങും നടക്കാറുണ്ട്. ഈ രഥയാത്രയും കാണേണ്ടുന്ന കാഴ്ചതന്നെയാണ്.