ആവോ ഗോത്ര വിഭാഗക്കാര് അധിവസിക്കുന്ന മനോഹര ഗ്രാമമായ ചാംഗ്തോംഗ്യ കാണാതെ മൊക്കോക്ചുംഗ് സന്ദര്ശനം പൂര്ണമാകില്ല. മൊക്കോക്ക്ചുംഗില് നിന്ന് 40 കിലോമീറ്റര് അകലെ ലാംഗ്പാംഗ്കോംഗ് മലനിരകളില് സ്ഥിതി ചെയ്യുന്ന ഈ ഗ്രാമം നഗരതിരക്കില് നിന്ന് മോചനം കൊതിക്കുന്നവര്ക്ക് സന്ദര്ശിക്കാന് നല്ല സ്ഥലമാണ്. ചാംഗ്തോംഗ്യയെ മറിച്ചൊഴുകുന്ന സുല (ദികു), മേലക് നദികളും ഈ നഗരത്തിന്െറ ഭംഗി ഇരട്ടിയാക്കുന്നു.
മലമുകളില് നിന്ന് നോക്കിയാല് താഴ്വരകള്ക്ക് തൊങ്ങല് എന്ന പോലെ വളഞ്ഞുപുളഞ്ഞ് ഒഴുകുന്ന നദികളുടെ വിഹഗവീക്ഷണം കാണാം. സുല നദിയുടെ ഒരു പ്രത്യേക സ്ഥലത്ത് ക്രൂഡ് ഓയില് പുറത്തേക്ക് തള്ളുന്ന ഒരു ഭാഗമുണ്ട്. മെനെമെറ്റ്സ് എന്നാണ് പ്രദേശവാസികള്ക്കിടയില് ഈ സ്ഥലം അറിയപ്പെടുന്നത്. വിനോദസഞ്ചാരികള്ക്ക് ആകര്ഷകമായ നിരവധി സ്ഥലങ്ങള് ഉള്ള ഇവിടെ പക്ഷിനിരീക്ഷകരും ധാരാളം തമ്പടിക്കാറുണ്ട്. മൊക്കോക്ചുംഗ് ജില്ലയെ ഒന്നാകെ ബന്ധിപ്പിക്കുന്ന നാഷനല് ഹൈവേ 61ഉം ഇതിലൂടെയാണ് കടന്നുപോകുന്നത്.