ഹനുമന്തരായ ക്ഷേത്രം എന്ന പേരില്‍ അറിയപ്പെടുന്ന ഈ ഹനുമാന്‍ ക്ഷേത്രം മുത്തത്തിയിലെ കാഴ്ചകളില്‍ പ്രധാനപ്പെട്ടതാണ്. മുത്തത്തിയിലെത്തുന്ന സഞ്ചാരികള്‍ ഈ ക്ഷേത്രം കാണാതെ മടങ്ങാറില്ല. ആഞ്ജനേയസ്വാമിക്ക് സമര്‍പ്പിക്കപ്പെട്ടതാണ് ഈ ക്ഷേത്രം. രാമപത്‌നിയായ സീത വനവാസക്കാലത്ത് കാവേരി നദിയില്‍ തന്റെ മോതിരം കളഞ്ഞുപോയ സ്ഥലമാണ് ഇതെന്നാണ് ഐതിഹ്യം. രാമസേവകനായ ഹനുമാന്‍ സീതയ്ക്ക് കാവേരിയിലിറങ്ങി മോതിരം തിരിച്ചുനല്‍കിയത്രേ. ഈ കഥയാണ് ഇവിടെ ഹനുമാന്‍ ക്ഷേത്രം ഉണ്ടാവാനുള്ള കാരണമായി കരുതപ്പെടുന്നത്.