ബയോളി എന്നാല്‍ കിണര്‍ എന്നാണ് ഹിന്ദിയില്‍ അര്‍ത്ഥം. അക്ബറിന്റെ ഭരണകാലത്ത് നാര്‍നോളിന്റെ ദിവാന്‍ ആയിരുന്ന മിര്‍സ അലിജാനാണ് ഈ മനോഹരമായ കിണര്‍ പണിതത്. വെറുതെ ഒരു കിണര്‍ അല്ല ഇത്.

അതുല്യവും ആ‍കര്‍ഷകവുമായ നിര്‍മ്മാണ പാടവം ഇവിടെ കാണാം. ചെറുതും വലുതുമായ അനേകം കുളങ്ങള്‍ ഈ കിണറിന് ചുറ്റുമായുണ്ട്. കമാനാകൃതിയിലുള്ള വലിയൊരു പ്രവേശന കവാടവും അതിന് മുകളിലായി സിംഹാസനവും കുടയുടെ ആകൃതിയിലുള്ള ശില്പവേല്ലയുമുണ്ട്. എട്ട് സ്തൂപങ്ങളിലായാണ് ഈ കുടകള്‍ (ഛത്രികള്‍ )നിലകൊള്ളുന്നത്. തൂണുകളില്‍ നിന്നുള്ള പടവുകള്‍ നേരെ കുളത്തിലേക്കാണ് ചെന്നെത്തുന്നത്.