ഒരു ഉദ്യാനത്തിലേക്കുള്ള മുഖ്യ കവാടമാണ് ട്രിപോളിയ ഗേറ്റ്വേ. വേറെയും മൂന്ന് കവാടങ്ങള്‍ ഈ ഉദ്യാനത്തിനുണ്ട്. 1589 ഏ.ഡി.യില്‍ നാര്‍നോലിന്റെ ഗവര്‍ണ്ണറായിരുന്ന ഷാ ഖുലിഖാനാണ് പൊട്ടിപ്പൊളിഞ്ഞ കല്ലുകള്‍ ഉപയോഗിച്ച് ഇത് പണിതത്. ചുവപ്പും ചാരനിറവും കലര്‍ന്ന മണല്‍ക്കല്ലുകള്‍ കൊണ്ട് അഷ്ടഭുജാകൃതിയില്‍ തനിയ്ക്കായി ഒരു കല്ലറയും അദ്ദേഹം ഇവിടെ പണിത് വെച്ചു. ആരാം ഇ ഖൌസ എന്നറിയപ്പെടുന്ന ഈ കല്ലറയില്‍ ഇപ്പോള്‍ ഖുലിഖാന്‍ അന്ത്യവിശ്രമം കൊള്ളുകയാണ്.