പന്ന നഗരത്തില് നിന്ന് 12 കിലോമീറ്റര് അകലെയാണ് പാണ്ഡവ ഗുഹകളും വെള്ളച്ചാട്ടവും സ്ഥിതി ചെയ്യുന്നത്. നാഷണല് പാര്ക്കിനോടടുത്താണ് ഇത്. നാഷണല് ഹൈവേയില് നിന്ന് വെള്ളച്ചാട്ടത്തിലേക്ക് എളുപ്പം എത്തിച്ചേരാനാവും. ഒരു അരുവിയില് നിന്ന് രൂപം കൊള്ളുന്ന ഈ വെള്ളച്ചാട്ടം പന്നയുടെ ടൂറിസം ഭൂപടത്തിലെ പ്രധാന ഇടമാണ്.
എല്ലാക്കാലത്തും തടസമില്ലാതെ ഒഴുകുന്ന ഈ വെള്ളച്ചാട്ടം മഴക്കാലത്ത് ഏറെ ആകര്ഷകമാണ്. നൂറടിയോളം ഉയരത്തില് നിന്ന് പതിക്കുന്ന ഈ വെള്ളച്ചാട്ടം ഒരു കുളത്തിലേക്കാണ് പതിക്കുന്നത്. ഇതിനടുത്തായാണ് പാണ്ഡവന്മാരുടെ വനവാസക്കാലത്ത് കഴിഞ്ഞതായി വിശ്വസിക്കപ്പെടുന്ന ഗുഹകള്. വെള്ളച്ചാട്ടവും, ഗുഹകളും, കാനനഭംഗിയും കണ്ണിന് നല്ലൊരു കാഴ്ച ഒരുക്കുന്ന ഇവിടെ ഏറെ തദ്ദേശവാസികളും, ടൂറിസ്റ്റുകളും സന്ദര്ശിച്ചുവരുന്നു.